ഹൈ! കലക്കി. പഴശ്ശിതന്നെ രാജാവ്! ഏഴെണ്ണമല്ലെ ഇത്തവണ ( 57ത്) ഫിലിംഫെയര്‍ സൌത്ത് അവാര്‍ഡില്‍
തൂത്തുവാരിയതു!
മികച്ച ചിത്രം,മികച്ച നടന്‍(വേറാര്, താഴെ കാണുന്ന അണ്ണന്‍ തന്നെ!), മികച്ച സംവിധായകന്‍ (ഹരിഹരന്‍), തുടങ്ങിയവ ഇതില്‍ ഉള്‍പ്പെടും.
താഴെക്കാണുന്ന ചിത്രം : ഹവായി ചപ്പല്‍ ധരിച്ചിരിക്കുന്ന മനൊജ് കെ ജയന്‍. പഴശ്ശിരാജ സിനിമ ഇറങ്ങും മുന്‍പുതന്നെ ഈ ചിത്രം നെറ്റിലെങ്ങും പാട്ടായിരുന്നു. ഇത്രയും അവാര്‍ഡുകള്‍ വാരിക്കൂട്ടിയില്ലേ, ഇനി ഇതും പറഞ്ഞ് കളിയാക്കുന്നതു മോശമല്ലെ?
മലയാളത്തിന് ഈ കൂട്ടത്തില്‍ ഫ്രീയായി കിട്ടിയത്- ശ്വേതാ മെനോന്‍- മികച്ച നടി, പ്രിയദര്‍ശന്‍ (മലയാളി എന്ന് പറഞ്ഞ് അഭിമാനിക്കാം ആശ്വസിക്കാം, അവാര്‍ഡുകിട്ടിയത് കാഞ്ചീവരം എന്ന തമിഴ്പ്പടത്തിന്) പിന്നെ നീലത്താമരയ്ക്കും എന്തോ കിട്ടിയിട്ടുണ്ട്.
ഈ ചേച്ചിക്ക് അവാര്‍ഡ് എന്തിനായിരുന്നെന്ന് മനസ്സിലാകുന്നേയില്ല. ആ സിനിമയില്‍ പ്രത്യക്ഷപ്പെട്ടതു വളരെ കുറച്ചുനേരം പോരാഞ്ഞതിന് അഭിനയിക്കാന്‍ മാത്രം കാര്യമായി ഒന്നുമില്ലാത്ത കഥാപാത്രം. ഹാ.. എന്തേലുമാവട്ടെ അവാര്‍ഡുകിട്ടിയില്ലെ, അതു മതി.
